Published on: 26/12/2024

Mbështetja për Programin e Ekipeve Sportive, Ministrja Bora Muzhaqi: Synojmë të përfshijmë mbi 12 mijë fëmijë dhe të rinj në 826 ekipe sportive në të gjithë Shqipërinë

Zmadho tekstin Zvogëlo tekstin
Publikim

Gjatë mbledhjes së Qeverisë, u miratua vijimi i Programit të Ekipeve Sportive. Ky program i cili tanimë është në edicionin e tij të tretë, ka për qëllim të angazhojë fëmijët dhe të rinjtë në aktivitete sportive për një jetë më aktive dhe të shëndetshme.

Ministrja Bora Muzhaqi theksoi se këtë vit pritet të përfshihen mbi 12 mijë fëmijë dhe të rinj në 826 ekipe sportive të shpërndara në të gjithë Shqipërinë, në disiplinat e volejbollit dhe basketbollit. Programi do të vijojë të mbështetet me materiale sportive dhe trajnime nga profesionistë.

“Sporti ndihmon fëmijët të angazhohen në mënyrë produktive pas mësimit dhe promovon një të ardhme të shëndetshme”, deklaroi ministrja, duke shprehur përkushtimin për zgjerimin e mëtejshëm të nismës.

Ky program vazhdon të jetë një hap i rëndësishëm drejt fuqizimit të të rinjve në Shqipëri dhe zhvillimit të vlerave sportive në çdo cep të vendit.